Shillong, Risaw 20: Ka seng People Democratic Front (PDF) jong ka Mawryngkneng Zonal Committee kala ong ba kaei kaba la kynthoh da u president jong ka UDP ka long ka bym don nongrim la ong u Bah E K Wahlang General Secretary jong ka PDF Mawrungkneng.
Ha ka kyrwoh kaba la phah sha ki lat pathai khubor da u bah Wahlang mynta ka sngi, u la ong ba u kynmaw ba ha u snem 1988 ka UDP kala wan ha ka bor synshar bad kala wanrah ia ka kynrum kynram bad kum juh ha u snem 2008 ki paidbah kila ai biang ia ka jingshaniah ha ka UDP ban thaw ia ka sorkar MPA bad tang ha dien shisnem ka sorkar jong u Dr Donkupar Roy kala khyllem namar ba ki don kiba phet seng.
Hynrei ka seng PDF ka dang mih tang mynta khyndait bnai, kaba phylla ka long ba u Dr Donkupar president jong ka UDP u la kynnoh ia ka PDF ba ka dei tang ka seng ki phetwir. Na ka liang jong ka seng PDF ka buh ha khmat jong ki paidbah mao dei ki phewir mano ba leit ban thaw sorkar bad ka Congress ha kaba u Bah Bindo M Lanong u dei u Deputy Chief Minister ha kito ki snem.
U Bah Wahlang u la ong hato ka UDP kam dei ka Congress B, u ne u nongialam jong ka seng PDF na Mawryngkneng u la kynnoh ba ka UDP ka dei ka party bad ia tylli bad pynpait paid ia ka ha dien. Ki paidbah ki sngewthuh ia kaei kaba la leh da ka party UDP.
