Shillong, Nailur 02: U Chief Executive Member jong ka KHADC u bah Titosstarwell Chyne u la ong ban a ka liang jong ka ophis ka pyrkhing bha halor ka tang jaid bad kan nym shah ia ki kynthei bym dei khasi ban shim ia ka jaid bala tang jong ki khun.
Haba kren ha ki lat pathai khubor ha dien ba ka seng HYC na Sohiong kala wan ban ia kynduh halor ka jingtang jaid arsien ia ka jaid “Kharshari” ia kaba la tang ha u snem 2017 bad ia kane ka juh ka jaid la tang biang ha u snem 2020.
U CEM jong ka KHADC u la ai ka jingiaroh ka seng HYC Sohiong kaba la shim khia ban wanrah sha khmat ia kine ki ar tylli ki rukom khein kur khein kha, la iathuh ba ka HYC ha kine ki bnai kiba la dep kala ujor ha dien ba ki la lap lyngba ka RTI namar kane ka long ka bynta ka kongsan ia ka jignlong tynrai ka jaidbynriew.
Halor kane ka jigntang jaid kala don ka jingbakla na ka kur Shabong namar ki tang jaid khlem da wat bniah shuwa ban tang ia ka jaid Kharshari. Na ka liang jongu CEM jong ka KHADC u la kyntu ia ki kur ki jaid ba kin da wat bniah ha ophis jong ka KHADC shuwa ba kin tang jaid.
Kane ka jinglap mynta ka long ban wanrah ia ka jinghusiar ba ymd ei ban don ka juh ka jaid ban lait na kane dei ban wat jingtip kaba bniah, haba ia dei bad ka jingshim jait dei tang ki khun ki ban pyndon kam ia ka jaid ba la tang thymmai kam dei ka kmie bad ka KHADC kan nym shah shuh ia kito ki bym dei ki kynthei khasi ba kin pyndon kam ia ka jaid jong u Lok ba dei khasi.
u bah Purningstar Shabong u la iathuh ba ka jingwan ka seng ban ujor halor ka jingioh tang jait ar sien ia ka juh ka jait sha u CEM kalong namar ba ka ne ka wanrah ia ka jingdkoh ha ka rukom khein kur jong u khasi u la iathuh ruh ba ki la iakren ia ka jingioh jait ka kynthei dkhar ia ka jait ban tang ia ki khun ha ka ba ka kynthei ka bym dei khasi kaba iathoh bad u shynrang ba dei u khasi.
U bah Purningstar nongialam ka HYC la ong ba ka jingioh jait jong ka Kynthei bym dei khasi ia ka jait ban tang ia ki khun ka dei ka jingpynkhein ia ka ain jong ka District Council bad ka long ka ba pyrshah ia ka ain tang jait u khasi .namar ba ka long ka ba pyrshah ia ka rukom khein kur jong u Khasi .
