Shillong, Lber 29: Ka ophis jong u Superintendent ki pulit jong ka East KHasi Hills mynta ka sngi ka la pynlong ia ka jingiakynduh lang jong ki VDP hapoh jong ka shnong ha Mawngap ha kaba u SP jong ka District u Davis N R Marak u la ia don lang.
Ha ka jingkren ka jong u tei u heh pulit u la kyntu ia ki VDP ba kin iarap lem ia ki pulit ha ka ban ia khun pyrshah ia ki kam sniew bad u la bethah ba lada ka don kano ka jingsiew ki dei ban long kiba la kloi ban pyntip sha ki pulit lada don ha ki shnong ki thaw ki jong ki.
Ha ka juh ka por la kyntu ia ki dkhot jong ka VDP ba lada don mano mano ba kular ia kib an pynioh kam ioh jam dei ban ai jingtip sha ki bor pulit ia kum kine ki briew ruh. Namar bun na kine ki briew ki dei kiba thok ba shukor.
Ha ka jingkren jong u Bah Ian Swer Dy SP jong ka East Khasi Hills u la batai ia ka jingtrei kam jong ki pulit bad u la kyntu ia ki shong ki thaw ba lada don kiba kwah ban buh ia ka VDP ha ki shnong ki thaw long kiba la kloi ban ia kynduh ia u OC jong ki.
Haka juh ka por la ong ba wat la, la ai bor ia ki VDP ba kin iarap ha kaba the lakam iaki kam sniew hapoh jong ki shnong ki thaw bad ki lah ban kem ia ki nongleh kam sniew na ka liang jong u Bah Swer u la kyntu ia ki dkhot VDP ba kim dei ban shim ia ka ain hala ka jong ka kti. Kiba la ia poi sha kane ka jingiakynduh lang ka long da baroh ki VDP kiba hap hapoh jong ka Mawngap Police Station.
