Shillong, Jylliew 03: Ki jingjia ba sngewsih ha kine ki sngi kiba la leit kala wanrah ia shibun ki jingeh bad ka jingshitom ia baroh, khatam ia ki nongbylla sngi ki khynnah skul, kiba pang kiba shitom bad ka jingkhang ia ka iewduh kala ktah shibun eh ia ka jingioh jingkot jong ki nongrep bad kum juh ia kiba duk ba suk.
Namar kata ka Catholic Association jong ka Shillong ka kyrpad jur ia baroh ki nongshnong shnong ban wanrah biang ia ka jingsuk bad ba kin buh ruh ia kine ki jingthmu ha ka jingduwai jong ka seng, la ong u Bah Richard Kahit Vice President bad u Bah Barnabas Nongbah General Secretary.
