Shillong, Jylliew 5: U Myntri Rangbah ka jylla u Conrad K Sangma u la iathuh bala dep ban phah ia ka pisa sha baroh ki District ban ai ration ia kito ki long iing kiba hap ban shong iing namar ki ioh ia ka jingshitom COVID-19.
U myntri rangbah u la ong ba bun na ki District kila sam ia ka ration sha kito ki long iing, lada don ki District kim pat pyntrei kam un sa kylli kaei ka daw ba ki pynslem ban sam ia ka ration.
Kane ka jingsam ration ka dei na ka Chief Minister Special Assistance, kumba ka paw ha East Khasi Hills District kane ka jingsam ration kam pat sdang.
Haba u SP News Agency u la kylli hato don kano ka jingeh ba ym pat sdang ka jingsam ration ha East Khasi Hills District, u myntri rangbah u la ong ba un dang hap ban wat jingtip.
