Shillong, Lber 18: Ka sorkar Meghalaya kala phah ia u Commissioner bad Secretary ka tnad kam poh iing u bah CVD Dingdoh sha Mandya District ka jylla Karnataka ban leit peit hi ia ki kynnah na kane ka jylla kiba ngap bih na ka kam ha ka jaka pule ka jong ki khynnah skul kaba la wan rah ia ka jingiap.
Ka sorkar Meghalaya kala phah ruh ia ki ophisar na ka tnad pule ba kin leit ban peit hi da lade ia kane ka jingjia, kine ki ophisa rna kane ka jylla kila ia kynduh ia ki ophisar jong ka District administration jong ka Mandya District of Karnataka bad kila leit ban jurip ruh ia kiba shitom ha ki jaka ai jingsumar.
Kane ka kynhun na kane ka jylla Meghalaya kin jurip bniah ia kaei kaba la jia bad ia ka kaiphot kin sa hap ban ai sha ka jylla Meghalaya katkum ka jingshem ka jong ki ha kane ka jingleit peit ka jong ki ia ki kynnah skul na kane ka jylla kiba ngat ha katei ka jingjia kaba sngewsih.
U District Magistrate u Dr. Kumar, IAS u la btai ia ka jingjia ha kaba ma u bad ki pulit kila pynlong ia ka jingtohkit ha kaba ia dei bad kane ka jingjia bad la kem lai ngut ki briew kynthup ia u trai jong kane ka skul, nongpeit jong ka skul, ha kane ka jingiakren la don lang ki Doktor na ka Hospital.
Ha kane ka jingjia kaba sngewsih u wei u khynnah skulk ham shitom jur ha kine khyndait sngi bad ia ki la phah sha ki jaka sumar kiba kham bha hynrei u wei la khlad noh, katba ki 22 ngut ki khynnah skul na Meghalaya kiba shitom kila kham ioh bor bad ka jingpeit bniah ia ki ka dang bteng.
