Shillong, Jymmang 31: Ha ka jingiatreilang ryngkat bad ka Terumo Blood and Cell Technologies, ka tnat jong ka koit ka khiah jong ka sorkar Meghalaya lyngba ka State Blood Transfusion Counsil (SBTC) la pynbna ne plie ia ka jingpynsaphriang ne awareness shaphang ka jingkylla jingmut ne jingshai ka ba ki briew kin lah ban don ha ka jingiadei bad kaba ai snam mon sngewbha ia kiwei pat ban pyllait ia ki na ka jingma.
Ia kane ka jingplie la pynlong ha Ri-Bhoi District ka ba long ka Aspirational District. Ka Dr. M Ampareen Lyngdoh ka la plie ruh ia u ‘Number Phone’ ia uba ki paitbah ki lah ban ai “missed call” ban register ialade kum u ne ka nong ai snam mon sngewbha (Voluntary Blood Donor). Uta u no u long +91995397533.
Ka mat kaba kongsan jong katei ka Campaign ka long ban pynsaphriang ia ka rukom pyrkhat ha Ri Bhoi District halor ka jingaisnam mon sngewbha.Ka jingai snam kan long kaba da ka mon sngewbha ka ba khlem khmih lynti ia ka bainong na ka bynta ban ai snam hynrei kan long tang ka jingnoh synniang ka ban tei ia ka imlang sahlang.
Da kaba pyndonkam ia ki bor technology ba mynta bad ruh ha kajuh ka por, da kaba ai jingpynshai bad jingdonkam jong ka jingai snam mon sngewbha kaba borabor, ka sorkar Meghalaya bad ka Terumo Blood and Cell technologies ka thmu ban pynjah ia ki jingngeit biej, ban pynbun ka jingiashimbynta ha kaba ai snam bad kumta yn pyniohbor ia ka imlang sahlang ban pynim ia ki parabriew kiba donkam snam.
Kawei ka mat jong ka Campaign ka long ban pyllait ia ka kot lyngkdop ‘comic book’ kaba ha ki ktien bapher bapher. Kane ka kot dur ka iathuh ia ka khana kaba iarap ban sngewthuh shaphang ki jingngeitbiej halor ka jingai snam bad kyntu ia ki nongshong shnong jong ka Ri Bhoi District ban ia wan shakhmat ban aisnam na ka bynta jong ka jingbha ha ka imlang sahlang.
La pyllait ruh ia ki video jinghikai halor ka jingaisnam bad I Myntri ka koit ka khiah, iba la ong ba ka jingkylla ha ka rukom pyrkhat ka long kaba iarap ban wanrah ia ka jingkylla kaba bha ha ka imlang sahlang.
Ka myntri ka tnad ka koit ka khiah ka kyntu ia ki nongshongshnong jong ka Ri Bhoi District ban pdiang ia kine ki jinghikai kiba saindur thymmai ia ka pyrkhat pyrdain halor ka jingaisnam bad ai mynsiem ba kin long kita kiba nyngkong ha ka jylla ki ban wan shakhmat ban long ki voluntary blood donor ne nongaisnam mon sngewbha.
Ka myntri iala ai khublei ruh iaka tnat ka koit ka khiah, sorkar Meghalaya bad Terumo Blood and Cell Technologies na ka bynta ka jinglamkhmat ha kum kane ka campaign kaba ktah ia ka iap ka im.
Ka Terumo Blood and Cell Technologies ka dei ka kompani ka ba lam shakhmat ha ka pyrthei shityllup ha baroh kiei kiei kiba iadei bad ka snam bad ka jingai jong katto katne ki riew paw ha ka social media ban pyndonkam ia ka rynsan jong ki khnang ban ioh khring ia ki khynnah samla ba kin don ka jingthrang ban bud nuksa ban shim bynta ha ki camp ban ia ai snam mon sngewbha.
U Sampath Kumar, IAS, Principal Secretary jong ka tnat jong ka koit ka khiah, sorkar Meghalaya, u lah pynsngew ia ki jingmut jingpyrkhat ki jong u :”Ka jingdon jong ka snam kaba khuid kaba suba ka long kaba kongsan ha ka jingpyniaid jong ka tnat ka koit ka khiah. Kaba sngewsih ka long ba bun ki jaitbynriew ki jong ngi la the lakam da ki jingmut kiba pynlong ia ki ban jngai ns ks jingsidnsm mon sngewbha.
Ki mut ba lyngba kane ka “Behavioral Change” awareness campaign ba ngi sdang ha ri Bhoi distik kan wanrah ia ka jingsngewthuh ba janai bad jingiatreilang bad ki nongshong shnong ba kin wanmih khmat ban ai snam mon sngewbha ban wanrah iaka jingkylla kaba bha ia ka lawei jong ka distrik.
Terumo Blood and Cell Technologies ,kaba long kaba kongsan ha kaba iadei bad ka jingpyniaid jong kane ka campaign. Ka lah ioh ia ka jingiatreilang jong ki riew paw khmat jong ka social media kiba lah pynsaphriang lyngba ki videos jong ki ban pynshlur ia ki paidbah khatam ia ki khynnah samla ban wan mih sha khmat ban long riewshlur ban ai snam mon sngewbha na ka bynta ja jingbha ka imlang sahlang.
U Chetan Markham, U General Manager bad Senior Vice President jong ka Terumo Penpol Pvt. Ltd, Terumo Blood and Cell Technologies u pynsngew iaka jingsngew shitrhem na bynta kane ka campaign. U la ong ruh “Ngi sngew sarong ban ia treilang bad ka tnad jong ka koit ka khiah jong ka sorkar Meghalaya ban pyllait ia kane ka campaign ka ban wallam jing kylla iaka Ri Bhoi District.
Da kaba pyndonkam ia ka bor jong ka lad pathai khubor, ngi thmu ban shna ia ka nongrim kaba khlain ban shaniah iaka jingai snam mon sngewbha naduh na tynrai. Ka jingia treilang jong ngi kan wanrah ia ka jingbiang pura jong ka snam ha ka district jong ka ri bhoi baroh kawei.
Ki don ka jingsngew skhem bad da ka jing iarap lang na ka liang jong ka sorkar ka Meghalaya, ngin sa lah ban ia poi lang sha ka thong bad wanrah ia ka rukom ai snam mon sngewbha kaban long ka nuksa na ka bynta kiwei pat ki jylla.
Ha ka Jingpyllait ia kane ka campaign la iadon bynta lem ruh ki riewpaw khmat ka Minister jong ka koit ka khiah, principal secretary jong ka tnat ka kpoit ka khiah, u deputy commissioner jong ka ri bhoi district, Director (DHS-MI) bad lem kiwei kiwei ki riewpaw khmat.
Blood Transfusion Services ka long ka bynta kaba kongsan jong ka tnat ka koit ka khiah. Ia ka Blood Transfusion Services la pyniaid da ka Meghalaya State Blood Transfusion Council, Meghalaya AIDS Control Society, National Health Mission bad ka the State Drugs Licensing and Controlling Authority.
Ka Blood Transfusion Services ka pyntikna ia ki paidbah baki lah ban ioh ka snam kaba khiud kaba suba, ha kano kano ka por. Ki don Shiphew (10) tylli ki Blood Centre bad Khatlai (13) ki Blood Storage Center ha ka jylla ka jong ngi, ba dki don ar tylli ki Blood Center kiba don kaki tiar ban pynbynta ia ka snam sha ki “Blood Components” ba dkawei ka Blood Center kaba don ka “Apheresis” unit.
Ka jingthmu ban pynkiew ia ka jingaisnam mon sngewbha kadei kaba kongsan ban ioh ia ka snam kaba shngian. Ka jingiasnohkti lang, ka jingai jingsngewthuh bad ka jingai mynsiem sha ki seng bapher bapher, ki khynnah samla bad ki nongshnong shnong ka Ri Bhoi Distrik kan long ka mawjam ban kot ia ka Shispah percent (100%) jingai snam mon sngewbha kaba la buh.
