Shillong, Nailur 17: Ka seng Congress mynta kala dep ban pynkhreh, ha kaba ia dei bad ka election MDC shiteng samoi sha ki hynniewtylli ki MDC Constituency, hynriew tylli ha KHADC bad kawei hapoh JHADC.
U Bah James Lyngdoh Working president jong ka MPCC, haba kren ha u SP News Agency u la ong ba shen kin sa ia shong ban rai ia ka kyrteng jong ki kyrtong ki ban ia khun ha kane ka MDC election.
Na ka liang jong ki Block Congress committee kila dep ban ia shong bad mynta kila don ha ki District Congress Committee bad ha ka MPCC kin ia rai ha kane ka taiew ban wan ban jied ia ki kyrtong.
Ki MLA kiba la hair shuki na ka kam MDC, ki long u Bah Ardent M Basaiawmoit president jong ka HSPDP, u Bah Phlastingwell Pangniang jong ka HSPDP, u Bah Brolding Nongsiej, Bah Metbah Lyngdoh jong ka UDP, u Bah Sanbor Shulai NCP bad u Bah HDR Lyngdoh jong ka seng Congress kine ki dei hapoh jong ka KHADC.
Katba ha Jaintia Hills Autonomous District Council (JHADC) u dei tang u Bah Stephan Mukhim Independent u ba dei na ka war east MDC constituency.
