Shillong, Naitung 03: u Bah FR Kharkongor
Chief Electoral Officer (CEO) jong ka sorkar jylla u la a ong ba la dep phah ia ka jingtip sha ka Election Commission, Delhi halor ka jingthylli ki ar tylli ki konstitwensi ha kane ka jylla bad kin dang ap ia ka jingthoh na Delhi ban pynbna ia ka elekshon shiteng samoi ha Ranikor bad South Tura.
Haba kren mynta ka sngi, u Bah Frederick u la ong ba ia ka elekshon yn sa pynlong lang ha kajuh ka por kata ia ka Ranikor bad ka South Tura. Ka ophis kala phah sha ka Election Commission sha Delhi bad lodang ap ia ka jingpynbna bad ka jingthoh halor kane”, la ong u Bah Frederick.
Ia ka Ranikor bad ka South Tura konstitwensi la hap ban pyllong ia ka elekshon shiteng samoi hadien ba u Martin M Danggo bad ka Agatha K Sangma ki la risain noh ia ka jinglong MLA jongki.
U Danggo u la risain ia ka jinglong MLA na ka Congress hadien ba ka sorkar ka la kular ban thaw ia ka Civil Sub-Division ia ka Ranikor kaba la niew bein da ka sorkar Congress ha ki snem ba la dep katba ka Agatha ka la risain khnang ban ailad ia u Conrad K Sangma ba un iakhun ia ka elekshon khnang ba lada un jop, un lah ban bteng ia kam kum u Myntri Rangbah ka jylla.
