Shillong, Naitung 21: U myntri rangbah jong ka jylla u Dr Mukul Sangma u la khot ia ka jingialang bad ki seng bhalang la shai ka sngi ha Yojana Bhavan ban ia kren halor ka kam Uranium ha ka por shi baje noh phai sngi, ia kane la pynthina na ka ophis jong u myntri rangbah ka jylla.
Bah pynthikna ia kane ka jingkhot jingialang jong u myntri rangbah ia ki seng bhalang halor ka kam Uranium, u SP News Agency u la kylli pynthikna na ka ophis jong u myntri rangbah halor kane ka jingialang bad ka jubab kaba la ioh ka long “Hooid kan don ka jingialang la shai ka sngi bad ki seng bhalang halor ka kam Uranium ha ka por shibaje noh phai sngi”.
Ki wei kilad khubor ki iathuh ba ia ka shithi yn phah mynta ka sngi sha baroh ki seng bhaklang kiba ka sorkar ka dei ban khot sha kane ka jingialang ban ia kren halor kane ka kam uranium.
