Shillong, Jymmang 24: Ka tnad pule ba dei ia ka Mariang jong ka skul bah Martin Luther Christian University, Shillong, ha poh jong ka shnat Meghalaya Integrated Mountain Development Initiative (MIMDI), Shillong da ka jingiatreilang bad ka ophis jong ka State Mission Director, Swachh Bharat Mission, Meghalaya, la shai ka sngi kin pynlong ia ka jingpynkhuid ia ka wah Dainthlen ha Sohra.
Ha kane ka jingpynkhuid ka MIMDI kan ia shnoh kti lang bad ka Integrated Mountain Initiative (IMI) bad ki 11 tylli ki jylla kyntup ia ka dong shatei lam mih ngi jong ka Ri India ban pynsngewthuh sha ki paidbah ia ka jingsniew kaba mih na ki pla plastic.
Kine ki plastik kiba la bret pathai ki pynmih ia ka jingsniew ha kaba ia dei bad ka mariang. Na ka liang jong ka MLCU kala leh ia kane ban pynkhuid myn ha u snem ba ladep ha Khyndailad bad ia ka jingshem la phah ia ka kaiphot sha ka sorkar pdeng.
