Shillong, Nailar 05: Ka tnad ka koit ka khiah kala pyntip ba haduh ka por 10 baje mynta mynstep la test COVID-19 Positive 20 ngut, 19 ngut ki riew paidbah na East Khasi Hills District bad 1 u BSF ha West Garo Hills District. Kiba la koit tang haduh katei ka por mynta ka sngi ki long 8 ngut, 4 ngut ha East Khasi Hills, 2 ngut ki riew paidbah, 1 na ka kynhun shipai bad u wei na ki BSF, katba ha Ri Bhoi pat 4 ngut kiba la koit.
Ki ba dang shitom ha ka jylla baroh kawei ki long 594 ngut bad kiba la koit baroh ki long 338 ngut, ka jingdon ki nongpang katkum ki District, ka East Khasi Hills kala don 488 ngut, ki BSF 189, ki riew paidbah 240 ngut bad na ki kynhun shipai ki long 59 ngut.
Ka West Khasi Hills 5, Ri Bhoi 51, West Jiantia Hills 16, East Jiantia Hills 17, West Garo Hills 15 bad South Garo Hills 2.
