Shillong, Rymphang 01: U Dr. Andrew Simons Commissioner bad secretary jong ka Meghalaya Legislative Assembly u la pyntip ba u bah George B Lyngdoh dei u nongbat shabuk ka liang pyrshah hapoh ka iing dorbar thawain ka jylla bad kane ka trei kam naduh mynta ka sngi.
Ha ka juh ka por la pyntip ba ka ophis jong ka iing dorbar thawain ka jylla kala pdiang ia ka shithi iehnoh kam jong u bah Process T.Sawkmie kum u nongbat shabuk ka liang pyrshah naduh mynta ka sngi.
Lah ban pynkynmaw ba ha ka por ba ka iing dorbar ka iethuh ia ka party Congress kum ka party ban ialam ia ka liang pyrshah bad u Dr.Mukul Sangma kum u nongialam ka liang pyrshah la thung ia u bah Process T Sawkmie kum u nongbat shabuk ka liang pyrshah hapoh ka iing dorbar thaw ain ka jylla.
Ha dien ba u Lamphang ka iing dorbar u la ithuh ia ka AITC kum ka kynhun kaba thymmai hapoh ka iing dorbar hapoh ka jingialma jong u Dr Mukul Sangma kum ka liang pyrshah hapoh ka iing dorbar ka AITC kala jied ia u bah George B Lyngdoh ban long u nongbat shabuk hapoh ka iing dorbar na ka liang pyrshah.
