Sh
illong, Nailar 23: Ka seng BJP kala phah ia u depei jong u myntri rangbah duh ba rim jong ka Ri India u At Bihari Vajpayee sha baroh ki jylla kiba ka seng BJP ka don ia ka shnat trei kam jong ka party.
Ia une u depei jong u myntri rangbah duh ba rim jong ka Ri India la wan rah sha kane ka nongbah Shillong da u Bah David KHarsati na Guwahati bad la buh hapoh ka ophis trei kam jong ka seng ha kaba la pdiang burom ia u depei da u myntri ka koit ka khiah u Bah AL Hek ha ka jingiadon lang ki nongialam jong ka seng.
U myntri rangbah duh barim jong ka Ri India u Atal Bihari Vajpayee u dei u myntri rangbah duh jong ka Ri India u ba nyngkong na ka seng BJP, u ba la ioh ban poi ha kane ka khet lai sien lynter ha ka sien kaba nyngkong u la ioh ban bat tang 13 sngi, ha ka sien kaba ar u la ioh ban bat 11 bnai bad ha ka sien kaba lai u la ioh ban pyndep san snem lynter.
