Shillong, Jymmang 21: U Dr W Kharlukhi state president jong ka seng NPP, u la ong ba ki liang pyrshah ha kane ka jylla ki dei ban ia treilang kum baka long mynta ban pynrem ia ka seng Congress ha u snem 2018, kane ka jingjop jong ka NPP ha kane ka MP election kaba dang shukut ha Garo Hills kala dew shai ba ki paidbah kila ngiah ia ka seng Congress.
Haba iadei bad ki jingkynthoh jong ka seng Congress ha kane ka election MP ha Garo Hills U Dr Mukul Sangma u la ong ban pynjah iaka seng NPP ha u snem 2018, hynrei kum ba ka mih na kane ka election ka long ba ka seng congress kan sa duh ha kane ka jylla Meghalaya ha u 2018.
Na ka liang jong ka NPP ka kyntu ia u Dr Mukul ba lada u sngew haduh katta u la dei ban pynwai noh ia ka iingdorbar thawain bad dei ban pynlong noh ia ka election mynta u snem 2016. Na ka liang jong ka NPP ka kynnoh ba kitei ki jingkren jong u Dr Mukul baroh dei namar ba u la sngewthuh ba ka seng Congress kam don jaka shuh. Ki paidbah jong ka Garo Hills kila sngewthuh ia ka jingtrei kam jong kane ka sorkar ba ki sa kyntait syndon ia ka seng Congress.
Haba juba ia ki jingkylli u Dr Kharlukhii u la ong ba ki paidbah kila jied ia ka seng Congress ha u snem 2013 bad kane kan kut ha u 2018, ka seng ka burom ia ka rai jong u paidbah hynrei lada kane ka sorkar ka khyllem noh mynta kane ka dei ka kam poh iing jong ka seng Congress kim don ei ei ban tuklar.
