Shillong, Kyllalengkot 03: Ka kynhun shipai jong ki BSF mynta kila sdang ban lap ksai ia ka jingiakhii tuh ia ki bike na khappud jong ka jylla Meghalaya sha ka Bangladesh , ia kane ka jinglap ksai ka jong ki ka long da ka jingioh kem ia kawei ka bike Bajaj Discover kaba don ia u Reg. No. ML-08D-6902. Na Bholaganj East Khasi Hills District.
Na kane ka juh ka jaka ki BSF kila ioh ban kurup haduh 62 tylli ki bilor kyiad phareng na ki briew katba ki dang thmu ban pynrung sha Bangladesh, kum kane ka juh ka jingkem kyiad ki shipai BSF kila kem ia ar ngut ki briew naBaburambil, jong ka West Garo Hills district bad nakine ki briew la ioh ban kurup 36 tylli ki bilor kyiad phareng.
Katkum ka jingtohkit jong ki BSF ki lap ba ka jingkiew dor jong ka kyiad phareng sha Bangladesh ka long lai shai ban ia dork aba die ha poh jong ka Ri India. Na ka liang jong ki shipai BSF kila petngor bha ia ki khappud bad ka Bangladesh namar ban khanglad ia kane ka jingiashallan tuh ia ki jingdih ba pynbuaid.
