Shillong, Iaiong 20: Ki pulit jong ka nongbah Shillong kila ioh ia ka jingpyntip ba la don u wei u rangbah briew u laba thiah ha jan ka ophis CWE u ba la rangbah briew ha ka 18 tarik mynta u bnai, na ka liang jong ki pulit kila rah ia kane ka met sha Civil Hospital ban leh ia kaba don kam.
Na ka liang jong ki pulit kila ong ba haduh mynta ka sngi ym pat lah ban tip ia ka kyrteng jong une u briew ba la khlad ha katei ka jaka, la kyntu ia ki paidbah ba lada don mano mano ba tip ne ithuh ki lah ban leit peit ia u ha Civil Hospital Shillong.
La ong ba ka rta jong u ne u rangbah ka long ha pdeng 55 haduh 60 snem, u phang ia ki juti kanbas Khaki, ka patlun rong iong, bad ka sopti rong grey, u tawah da ka maphlor bun rong. Lada don kiba kwah ban tip ki lah ban phone sha ki ne ki number 0364-2222277 police control room bad sha u OC jong ka Rynjah 0364-2230402.
