Shillong Jymmang 13: Ia ka jingialehkai semi final kaba ar jong ka Federation Cup 2016 kan long la shai ka sngi ha pdeng ka Shillong Lajong FC bad ha Mohun Bagan AC la shai ka sngi ha JN Stadium Shillong ha ka por san baje jan miet.
Ha ka jingialehkai jong ka semi final kaba nyngkong kaba la long ha Kolkatta ka Mohun Bagan AC kala pynliem ia ka Shillong Lajong FC da 5 kol, kane ka jingialehkai la shai ka sngi kan long kaba don kam bha ia ka Lajong ba kan jop pyrshah ia katei ka kynhun ialehkai.
Na ka liang jong ka Shillong, Lajong FC kala rai skhem ba kan ia khun tyngeh la shai ka sngi ban jop pyrshah ia katei ka kynhun ialehkai kaba na West Bengal. Wat la ka Lajong FC kala shah rem ha katei ka kynhun hynrei ka dang kyrmen ba la shai ka sngi kan ia khun ban rah ia ka jingjop.
