Tura, Naitung 13: Kawei ka long kmie kaba la 28 snem ka rata kala shah leh beijot ha ki kynhun jong ki runar ha ka shnongh Pipulbari, ha khappud jong ka Assam bad Meghalaya. Ha kane ka por khatsan ngut ki briew kila rung ha kane ka iing bad leh ia kane ka kam runar.
Kane ka jingjia kala jia ha ka por kumba 2 baje mynstep mynta ka sngi, ia ka la lap da ki briew jong katei ka shnong na jan khlaw ha kaba kala thiah khlem tip briew shuh ki pulit kila ioh ban pynlait im ia ka mynta ka sngi ha ka por mynstep na katei ka khlaw kaba don ha jan shnong.
Kane ka shnong Pipulbari ka dei ha khap ka jylla Meghalaya bad Assam kaba jngai tangkumba 48 Km na Tura ka hap hapoh jong ka Garobadha police station. Ia kane ka long kmie la kit sha Hatsingimari public health ha Assam’s Dhubri district ban sumar ia ka.
Ki paidbah na katei ka shnong kila iathuh ba kine ki riew sniew kila poi ha kane ka iing ha ka por kumba ar baje myntstep, ym tang ba kila leh ia kane ka kam poh jait hynrei kila lute ruh na kane ka iing katba don ka ksiar, bad kiwei kiwei ki jingdon jingem, ha kane ka por u kumrim jong ka um donha iing namar u dei u nongkhaii.
Kane ka long kmie ha dien ba kala kyndit bynriew kala iathuh ba ki la pynap ia ka da ka suloi na khleih bad byrngem pyniap ia ka bad thep hapoh kali bad ki sa leh ia kane ka kam bejot ha jan khlaw.
Na ka jingiathuh jong kane ka long kmie kaba la ngat ha kane ka jingeh ki pulit kila lah ban sngewthuh bad subajur ba kiba don kti ha kane ka kam ki lah ban dei u Kabir Ali bad Zahirul Islam, kiba dei na katei ka juh ka shnong.
Ia kane ka case la register da ki pulit jong ka Assam namar kane ka iing ka hap hapoh u pud u sam jong ka jylla Assam ki pulit ki dang thohkit ia kane ka jingjia namar kiba don ha pdeng ka jingsuba kila phet krad na shnong.(SP News)
