Shillong, Iaiong 08: Ka seng Federation of Khasi Jaintia and Garo People Langpih Area Unit mynta ka sngi ka 8 tarik u Iaiong 2024 ka la ioh ban leit ban ia kynduh ia ka DMHO jong ka West Khasi Hills District ban ia kren halor ka jingbymlah ka sorkar ban plie noh ia ka Health Sub center ka ba don ha Langpih ia ka ba wat hadien shi snem tam ba la dep ban shna.
Ha kane ka ka jingiakynduh bad ka DMHO jong ka West Khasi Hills District ka Dr E Tariang na ka liang ka FKJGP ka la ioh ruh ban ai da ka jngthoh ha ka ba la ka la dawa ba dei ban plie bad ban pyntrei kam noh ia kane ka sub Center ka ba don ha katei ka thain khnang ba kan lah ban ia ka jingmyntoi ia ki paidbah kia ba shong ba shah ha ki shnong ba khappud ka Meghalaya bad Assam.
Ha ba ia kren bad ki ladpathai khubor hadien ka jingia kynduh bad ka DMHO na ka liang ki nongialm jong ka seng FKJGP ki la pyntip ba na ka liang ka DMHO ka la dep ban pynkhreh ha kaban ioh ban plie noh ia kane ka Health Sub Center ha dien ba la dep ban ioh ia ki nongtrei ki ba biang ki ban don ha kane ka sub Center.
Kine ki nongialam jong ka FKJGP ki la pynpaw ruh ba kane ka jingwan ban ia kynduh jongki ka long tang ban shuwat jingtip ba lano ynplie noh ia kane ka sub center, ki la pynpaw ruh ka jingai khublei ia kasorkar ha ka ba kala lah ban wanrah ia kane ka subcenter ha kaba kan ai jingmyntoi shi bun bah ia ki nongshong shnong jong kane ka thain Langpih.
Ka seng FKJGP ka la buh ruh ka jingkyntu ia ka sorkar ba kadei ban pynkloi noh ha kabna plie ia kane ka subcenter wat lada ka long ka ba rit ruh hynrei kane kan ai ka jingiarp ia ki paidbah la da kindon ka jingshitom ka ba malum mala bad khamtam ia ki longkmie ki ba kha Khyllung ha ka ba kim da don kam shuh ha ka ban leit sha duh sha Nongstoin tang ban ioh ia ki lad jingsumar ki ba malum mala.
