Shillong, Kyllalyngkot 08: Mynta ka sngi ha ka por kumba phra baje ei ei u wei u briew u ba la tip kyrteng kum u Bah Wanlambok Khongsit u la leit ban pyndem ia lade ha khmat jong ki pulit jong ka Madanriting Police Staion namar ba u la shah kynnoh ba u ia don kti lang ha ka jingkhaii kynthei.
Ki thymmei khubor ki iathuh ba u Bah Khongsit u la leit ban aiti ia lade ha khmat jong ki pulit ha ka jingiadon lang u muktiar, ki pulit jong ka Madanriting kila wad ia u halor ka tei ka jingujor bad la pynngat ruh ia u hapoh jong ka ain POSCO Act.
Da ka jingleit ban pyndem u Bah Khongsit baroh kiba la ngat ha ka kti jong ki pulitmynta kila poi sha ka phara ngut . Kane ka jingleit pyndem ka long ha dien ba la kem da ki pulit ia u Bah Julius Dorphang u wei ba la shah kynnoh ha kane ka kam leh beijot ia ka khynnah 14 snem ha Marvelyne Inn.