Shillong, Lber 14: Ka Meghalaya pradesh youth Congress ha poh ka jingialam jong u bah Adrian Chyne Mylliem kum u president mynta ka sngi ka 14 tarik u Lber ki la pynlong da ka jingiakhih habaroh kawei ka Jylla ban pyrshah ia ka jingpyntrei kam jong ka sorkar pdeng ia ka Citizenship Amendment Act.
Ha kane ka jingiakhih ba la khotpynlong da ki samla ka seng Congress la lamkhmat da u bah Adrian Chyne Mylliem bad u Vice president u bah Banphira Basaiawmoit ha ryngkat ka jingiadon langkiwei pat ki dkhot jong ka seng.
Ha kane ka jingia khih ba la khot da ki samla jong ka Congrees la sakhie ba ki don tangkato katne ngut ki Samla ki ba wan ban ia shibynta ha kane ka jingiakhih ban rah placard ha khmat ka office trei kam jong ka seng BJP ka ba don ha ka Jylla.
Kine ki samla jong ka seng Congress kiba la leit ban rah da ki Placard ha khmat ka office trei kam jong ka BJP ka ba ha ka Jylla kalong kum shibynta ban pyrshah ia ka jingpyntrei kam ia ka CAA hapoh ka Jylla bad kumjuh ha poh ka ri India baroh kawei.
Ha ba kren sha ki ladpathai khubor na ka liang u president u samla Adrian Chyne u la ong ba ka jinmih jong ki shakhmat ban pyrshah ia ka CAA ka long namar ba kane ka jingpyntrei kam ia ka CAA kadei tangban ioh jingmyntoi jong kawei ka Political Party tang ban ioh vote.
U la ong ruh ba ka jingwan ia lam ia ki lehse ia kita ki briew ba shah thombor ha kiwei kiwei pat ki Ri ka long tang ban ioh ia ka vote bank jong ka politic. U la ong ruh haba ngi peit ia ka ioh ka kot hapoh ka ri ka india ka dang don kam shi bun ki kam pynroi.
U bah Chyne u la ong ba na ka liang ki seng samla jong ka Congress ki pyrshah jur ia kane ka jingpyntrei kam ia ka CAA bad ba kim ruh ba kane ka CAA kan long ain hynrei kane ka sorkar mynta pat kam shym la sngap ia ka sur jong ki kumta kim banse ban wan ban pynpaw ia ka jingpyrshah bad ha kine ki sngi ban sa wan ki sa don ki program ia khih ki ban sa khot pynlong da ki samla ka seng Congress.
