Shillong, Iaiong 25: Ki samla jong ka West Khasi Hills bad South West Khasi Hills District kiba khlem kam,kumba 52 ngut kila leit ban shah hikai kyrpang ha ki shipai BSF ia kaba la pynlong ha Mawpat. Kine ki kynthup ia ki kynthei bad ki shynrang.
Ki jinghikai kiba la ai sha kine ki samla ka long ha ki ba bun ki liang, kum ka jingtip kyllum, ka bor pyrkhat, ban tip ia ki jingjia kiba man ka sngi, bad ha ka liang jong ka wad kam wad jam bad bun kiwei kiwei ki jinghikai.
Ka jingthmu jong kane ka jingai jinghikai ka long kyrpang eh ba kumno kine ki samla kiba la nang la stad ba kin tip kumno ban ioh rung ha ki kam shipai la ka long ha ki kam jong ka sorkar pdeng lane ha ki kam pulit jong ka sorkar jylla.
Ia kane ka jinghikai ia ki samla na khappud bad ka Bangladesh ka long hapoh ka jingialam jong u PK Dubey IG, BSF ha ryngkat ka jingiarap jong ka sorkar jylla. Kane ka jinghikai ka long ban plie ka lat ka lynti ia ki samla khamtam eh ba kumno kin ioh ban rung ha ki kam shipai.
