Shillong, Lber 11: Mynta ka ka sngi ka kynhun Joint Action Committee jong ka Hima Sohiong kila leit ban tur biang sha KHADC ban dawa ban dei ban wengnoh ia u bah Shemphang Thabah ka kam Lyngdoh jong ka hima.
Ha kane ka jingleit tur sha KHADC, ka JAC hapoh ka jingialam jong ubah Purnongstar Shabong kila ioh ban ia kren ia ki ar ngut ki EM jong ka KHADC u Bah Martle N Mukhimbad ia u bah Rangkynsai Kharbuki bad ha kane ka jingiakren ka JAC kala ai por artaiew ban weng ia u Lyngdoh ka Hima Sohiong.
U Bah Shabong la ong ba ha kane ka jingiaken kitei ki ar ngut ki EM jong ka KHADC kila pynpaw ha khmat ka JAC kim don jingtip ei ei ruh em ia kata kaba la jia, na ka liang jong kin rah ia kane ka kam sha ka Executive Committee namar kam dei ka bynta jong ki ban iakren.
Ha kane ka sngi ka jingleit jong ka JAC ka long ban ia kynduh ia u CEM jong ka KHADC bad iau EM ba dei peit ia ki kam Elaka hynrei kin ear ngut kim don ha ophis, na ka liang jong ka JAC kala buh ka jingkylli ka kam peit bniah aiu kaba la lai snem kim pat lah ban peit bniah.
Ka jingdawa ka JAC ban weng noh ia u Lyngdoh ba mynta jong ka Hima Sohiong ka long ba kila kynnoh ba u la aiti ia ka Nongwah Mawtamur sha ka hima Jirang bad ka JAC ka kwah ba ka KHADC ka dei ban weng noh ia u Lyngdoh halor katei ka jingleh kila kynnoh.
