Shillong,Naitung 02: U trai jong ka dukan die jain ha police bazar ba dei jong ka M/s J B Textile u la ujor sha ki pulitjong ka Sardar police station ba ha ka por kumba 1.30 baje noh phai sngi u nongtrei jong u u Raju Malakar u la shah lute ha ki saw ngut ki briew kiba ym lah bantip katba u dang mut ban leit ban thep ia ka pisa ar lak tyngka. Kine ki nonglute ymda ki la dep leh ia kane ka kam sniew kila phet krad.
Ha ka wei pat ka jingjia u Ashim Dey u la ai ia ka jingujor sha ki pulit ba ha ka miet shitarik mynta u bnai ki briew kiba ym lah ban tip kila pynjot iaka ATM jong ka SBI kaba don ha Malki point da ka jingthmu ban lute ia ka.
U Madan Lal Sinha, Branch Manager jong ka SBI kaba don ha Selsella Branch jong ka west Garo Hills u la ai ia ka jingujor ba ha ka miet 27 tarik jong u Naijylliew ki briew kiba ym lah ban tip kila pyrshang ban pynra ia ka jaka thep pisa jong ka bank da kaba pynpaid ia u tala.
