Shillong, Rymphang 04: Ki paidbah ba leit ba wan na ka surok bah GS Road na Mawlai sha Damsait kila kylli balei ba ia ka jingsiang rong ia ka surok na jingkieng Damsait sha Mawlai Pum kala sangeh haba la poi sha jan Marten.
Ka jingsiang rong ia kane ka surok la kumba lai bnai mynshuwa la sdang ban pyntrei bad ka jingsiang rong kala poi haduh jan marten bd ka jingsiang ka dang dei tang shiliang hynrei ka jingtrei mynta kala sangeh.
Ki paidbah baleit lyngba kane ka surok GS Road na Mawlai sha Damsait ki iohi ia kane ka jingsiang rong kaba la ieh da ka kompeni ba pyntrei ia kane ka kam, hynrei na ka liang jong ka PWD kala shu sngap halor kane ka jingsangeh siang riang.
Ha jingsaing ha ki bynta jong ka jaka jngohkai ia ka dam na bad ki katto katne ki bynta kiba hap ha ryndang briew ka rukom siang ia ka rong kala khoh, na ka liang jong ki paidbah ki kylli ia ka PWD balei kane ka jingsiang rong kala sangeh.
Ki riew paidbah kida kyntu ia ka PWD ba ka dei ban phah noh ia ka kompeni ban pyndep ia kane ka jingsiang rong ban na ka bynta ka jingbit jingbiang jong ki paidbah kiba leit ba wan lyngba kane ka surok.
