Shillong, Nailar 06: Tang namar ba dei ka Hima Jyrngam ka don hapoh Rambrai MLA& MDC, Constituency, bad tang namar u juh u rangbah u bat ia ka kam kum u EM, i/c Elaka, Khadc, hato don nongrim ban wanrah ia kum kitei ki amendment bill kiban pynkylla ia ka Riti.
La sngewdei ban ong ba ka Hima Jyrngam Sirdarship Act 2005, la pynskhem da ka council khadc, bad ka pynskhem pat da u Governor ha ka snem 2005, hadien ka jingialeh case haduh high court.
Ka jingkylli ka long hato man ba wan EC thymmai ngin pynkylla ia ki RITI DUSTUR ? Lada shim san snem kawei ka EC la dei ban ioh tang 12 EC hadien 60 snem ngi ioh palat 34 tylli ki EC kiba la synshar hapoh khadc. Kaei kahan jia lada pynkylla RITI 34 sien.
Kumta, ki khlieh Nongsynshar bun bun sien ki hap kiew iing lieh iing saw ban wad jingiada na ki jingleh bein leh donbor ki bor EC, Khadc, na ka por sha ka por.
Kyrpad ia phi ki nongthoh kotkhubor ban wad bniah ia ki jingthmu ba sha lyndet jong kane ka EC kaba mynta.
Kaba lyngoh ka long ba kine baroh lai seng, UDP, HSPDP, KHNAM, kiba khot ialade ki seng iada jaidbynriew ki pynduh jaidbynriew da kaba pynduh shwa ia ka RITI.
Ka long kaba i thamula haba ki leit hiar ban ia sngap jingeh u paidbah sha ki thain khappud, ban ialap jaidbynnriew, hynrei ki kam pat ki paw da kumwei. Ka Hima Jyrngam, ka don ka kur long syiem jannoh, ryngkat ki Lyngdoh, Myntri, Sordar, bad kiwei kiba synshar ia katei ka hima kaba syndah bad ka Langpi, sha khap pud Adsam, ki dap da ka jingkhuslai mano ban kren na ka bynta jong ki. Khamtam ki dei ka Hima ha khappud bad ka Assam.
Kaba Ktah shuh shuh ka long ba wat ka sorkar Assam lehse mynta ka shu thap kti ia kane ka jingialeh politic ia ka RITI. Dei namar kata sah kut u pud u sam ha kum kitei ki jingleh donbor halor kiba rit kiba tlotbor, tang na ka bynta ban myntoi ha ka sain pyrthei. Kyrpad ia ki kotkhubor ban da wad bniah da pule bniah ia kaei kaba kane ka EC, ARPA ka la leh, ban pynbakala ia ka RITI DUSTUR, hapoh ka Hima Jyrngam Sirdarship.(SP News)
