Shillong, Kyllalengkot 02: Ka sorkar kala pynmih ia ka jingpynbna sorkar ba la pynkynriah kam ia u Arunkumar Khembhavi Deputy Commissioner jong ka West Jaintia bad phah ia u ba un long noh u Deputy Commissioner jong ka West Khasi Hills District ha ka jaka jong u Bah S Kharlyngdoh.
Ha ka jaka jong u Khembhavi la thung ia u Bah R Rapthap IAS kum u Deputy commissioner jong ka West Jaintia Hills District. U DC jong ka West Jaintia Hills mynta u dang don hapdeng ka shuti bad ha dien ba u la wan phai un sa leit ban shimti noh kum u DC jong ka West Khasi Hills District.
Halor kane ka jingshah transfer na ka liang jong u Khembhavi u la pynpaw ba u da shisha da ka jingkmen ban ioh ban trei hapoh jong katei ka District 551 sngi bad u shim ba kane ka jingtrei kaba u don hapoh jong ka West Jaintia Hills District ka long ka jaka kaba u dang kmen bad hun shisha ban trei ia ka kam.
Na ka liang jong u DC u ban la mih noh na kane ka District u ai khublei kyrpang ia ki 2.7 lak ngut ki paidbah nongshong shnong jong ka West Jaintia Hills District kiba la ia ki jingkyrshan bad kiba la ia trei lang ha ki sngi kiba u don ha kane ka District kum u khlieh jong ka District.
Ha ka Face Book kaba u la buh u la ong ia kine ki kyntien “ Ka rukom trei kam ka kham khraw ban ia uno uno u riew shimet” u la ong “ Ngam don kano kano ka jingbabe ha ka jingtrei kam, hynrei kaba nga sngewsih ka long ba ki don bun ki kam kiba u la sdang ngan nym lah ban iohi ba ki jingtrei kin dep hynrei kyrmen ba u DC ba thymmai ym tang ba un pyndep ia ki jingtrei hynrei un leh ia kino kino ki kam kiba thymmai. U ong ruh ba u pan map lada u la pynsngewsih iano iano, hynrei kam dei ba u leh khnang.
