Shillong, Lber 18: Ka North East Students’ Organisation (NESO) mynta ka sngi ka 18 Leber 2024 kala mudui pyrshah sha iing bisahr kaba ha khlieh duh jong ka Ri India ka Supreme Court ia ka jingpyntrei kam ia ka Rules jong ka Citizenship (Amendment) Act 2019 ban pan na ka iing bishar ba kan pynsangeh ia ka jingpyntrei kam ia katei ka ain.
Haba kren ha u SP News Agency u shnongknor jong ka NESO u bah Samuel Jyrwa u la pynthikna ba ka iing bishar ba ha khlieh duh jong ka Ri India kan tian bishar la shai ka sngi ia kane ka jingmudui jong ka kynhun ki seng samla pule kane ka thain.
Ban pynkynmaw ba ka NESU kala mudui sha ka iing bishar kaba ha khlieh duh jong ka Ri India pyrshah ia ka jingthmu ban pynlong ain ia ka CAA 2029 ha ka 19th Nohprah 2019, wat la ia ka CAA na ki jaka bala pyntrei kam ia ka ILP bad jaka ba don ki District Council kaba kynthup ia ka Mizoram, Nagaland, Arunachal Pradesh bad Manipur.
Ki jaka kiba hap ha ka jaka jong ki riewlum ba don ki District Council ka kynthup 98% ha ka jylla Meghalaya, 70% ha ka jylla Tripura, 8 tylli ki District jong ka jylla Assam na ki 27 tylli ki District kiba ngat ha ka jingpyntrei kam ia ka CAA.
Ka jingpyntrei kam ia ka CAA kan ktah shibun ia ki riewlum kiba don ka jingduna ha ka jingbun paidbah kiba dei ki riewlum kane ka thian shateilam mihngi ka Ri India na ka jingwan tuid ki Bangladesh, kumta ymd ei ban pyntreikam ia ka CAA ka ban dang pynsniew shuh shuh ia kane ka thain shatei lam mih ngi ka Ri India.
