Shillong, Nailur 10: U bah Syntar Klas Sunn MLA jong ka Mawphlang konstitwensi mynta ka sngi u la khlad kyndit ha iing sah jong u ha Mawngap, kat haduh ba thoh ia kane ka khubor ym pat lah ban tip ia ka daw jong ka jingkhlad.
U bah Syntar Klas Sunn u la jop ia ka MLA elekshon kum u kyrtong shimet na Mawphlang Konstitwensi bad ha dien ba u la jop u la pyniasoh ia lade bad ka party UDP hapoh ka iing dorbar thawain ka jylla.
U Syntar Klas Sunn ha dien ba u la pyndep ia ka jingpule kum u engineer electrical u la trei hapoh jong ka Greater Shillong Water Supply Schemes bad u la don hapoh kane ka tnad sam um jong ka sorkar haduh ban da shongthiat kum u Chief Engineer ka tnad PHE.
Ha dien ba la shongthiat na kane ka kam kum u nongtrei sorkar u la rung sha ka sain pyrthei bad ia khun ia ka Election MLA ha u snem 2018 bad u la jop na katei ka konstitwensi kum u MLA shimet.
