Shillong, Iaiong 18: U Dr Aman War Director ka tnad ka koit ka khiah u la pyntip ba mynta ka sngi kawei ka long kmie bala tip kyrteng kum ka kong Mebilda Bareh 74 snem na Mawlai Nongkwar kaba la shah sumar ha Dr H Gordon Roberts Hospital kala khlad na ka jingpang COVID-19 bad da kane ka jingkhlad baroh kiba khlad kila poi sha ka 153 ngut ha ka jylla.
U Director u la pyntip ruh ba mynta ka sngi la test COVID-19 positive 73 ngut ha ka jylla, ha East khasi Hills la test COVID-19 positive 36 ngut, Ri Bhoi 12 ngut, West Jaintia Hills 12, West Garo Hills 5 ngut, West Khasi Hills 3, South West Khasi Hills 2, East Jaintia Hills 2 bad East Garo Hills 1, kiba dang shitom baroh ki long 680 ngut.
La iathuh ruh ba kiba la ioh ia ka jingkoit mynta ka sngi ki long 41 ngut na East Khasi Hills 40 ngut, East Jaintia Hills 1, kiba la koit baroh na kane ka jingpang ha ka jylla kila kot sha ka 14038 ngut.
