Shillong, Jymmang 30: U vice President jong ka Hynniewtrep Youth Council (HYC) u bah Donboklang Kharlyngdoh u la ong ba ka jingkhot sha pathok ka don kam ia u riew ieid ri ban pdiang namar ka jingshah khot hajir jong ki dkot ka seng ha ki pulit kalong kumba pynthymmai ia ka license ieid jaidbynriew.
La ong ba manla u wei pawei u dkhot dapshynrang ia kane na ka liang u bah Donbaok u la pynpaw ha ba ioh ban ia kren bad ki nongthoh khubor hadien ba u la dep ban jubab hakhmat jong ki pulit ha Sardar police Station ia ka ba la long mynta ka sngi ka 30 tarik u Jymmang 2024 ha ka jingia synran lang jong u President rangbah jong ka Seng u bah Roykupar Synrem ha ryngkat bad ki dkhot.
U bah Donbok u la rung shapoh ka Sardar police station ha ka por shibaje nohphai sngi bad ka bampor haduh 2 kynta duna ei ei ban ai jubab ha khmat ki pulit halor kane ka jingjia ha Lumsurvey bad ka jingkem ia ki nongdih bad die drugs
Ha ba ioh ban ia kren bad ki nogthoh khubor na ka liang u bah Donbok u la ong ba kane ka jingwan jong u kum ka seng ka longban ia trei lang bad ki pulit ka Jylla ha ka ba iadei bad ka jingjia ka ba ha ka 23 tarik u Jymmang ha ka ba iadei bad ka jingshna iing beain jong ki briew ha kane ka jaka bad kumjuh ruh u la ong ba kalong beain jong ki nong khynra ia ki nong dih drugs ne ka long beain ia ki nong khaii drugs ki ban ki ba wan na Assam ki ba wan sah ha kane ka jaka.
U bah Donbok u la ong ruh danglah ban shah khot beain u ba ieid eh ia ka ri bad ka jaidbynriew ban ia ki nongbat ain ki ba arsap ki ban kylla long ka jingtim ia ka ri bad ka jaidbynriew ia ka pateng ba mynta bad ka ba lashai.
U la ongruh ba na ka liang jong u umdon kano kano ka jingsngew pher namar kum ki dkhot ka jingshah khot ha poh ki thanad ne ki phatok ka longthik kum ka jingleit ban renew ia ka license ieid Ri jongkita ki dap shynrang ka ri bad ka haidbynriew.
U la ongruh ba ha ki snem ba la dep na ka liang jong u, u la hap ban wan mih la bun bunsien sha poh ka sardar police station. U la ong ruh ba ka jingiakhun jong ki ka long na ka bynta u drugs ym ia ki nongdih drugs.
La ong ba na ka liang ka seng ka la dep ban leit ban buh ia ki khun samla ki ba la ngop bad kyrni ha u drugs ha ki jaka jingsumar bad u la ong ruh ba shen ha kine ki sngi ki ban sawan ki sa ioh ban ialam pat sa ia kiwei ki samla ha ryngkat ka jingiatrei lang bad ki kmie ki kpa ki ba la duh thiah duh dem na ka bynta ki khun.
