Shillong, Kyllalyngkot 18: Mynta ka sngi ki san ngut ki MLA na ki seng sain pyrthei bapher bapher kila resign kum ki MLA ban pyniasoh sha ka party UDP. Ia ka shithi resign jong ki la aiti sha u Lamphang ka iing dorbar mynta ka sngi u bah Metbah Lyngdoh.
Ki MLA kiba la resign ki long u bah Lambor Malngiang na Nongkrem, bah Reniktone L Tongkhar na Mawkyrwat, bah Process T Sawkmie na Mawlai, bah Shitlang Pale na Saipung-Sutnga bad u bah Mayralborn Syiem na Nongpoh.
U bah Shitlang Pale, bah Process T Sawkmie bad u bah Mayralborn Syiem kila jop ia ka MLA elekshon ha u snem 2018 na ka party Congress, u bah Pale u la mih bad pyniasoh sha ka TMC hynrei mynta u la mih noh katba u bah Process bad bah Mayralborn kila shah weng shipor na ka party Congress.
U Bah Reniktone L Tongkhar ula jop na ka party HSPDP,katba u bah Lambor Malngiang u lajop kum u kyrtong shimet. Ia kine san ngut ki MLA la pdiang burom sha ka party UDP mynta ka sngi.
