Mynta ka sngi la test COVID-19 positive 262, khlad 3 ngut kiew ka jingiap sha ka 174 ngut

Shillong, Jymmang 01: U Director ka tnad ka koit ka khiah u Dr Aman War mynta ka sngi u la pyntip ba la test COVID-19 positive mynta ka sngi ki long haduh 262 ngut, East Garo Hills 9, East Jaintia Hills 8, East Khasi Hills 161,  Ri Bhoi 38,  South Garo Hills 4, South West Garo Hills 1, South West Khasi Hills 05,  West garo Hills 16, West Jaintia Hills 12, West Khasi Hills 8, baroh kiba dang shitom ki long 1659 ngut.

La pyntip ruh ba mynta ka sngi baroh kiba la koit ki long 192 ngut, East Jaintia Hills 5, East Khasi Hills 135,  Ri Bhoi 16, West Garo Hills 4, West Jaintia Hills 28, West Khasi Hills 4 bad kiba la koit baroh na kane ka jingiapang haduh mynta ki long 15275 ngut.

La iathuh ba kiba khlad mynta ka sngi ki don lai ngut bad kine kiba khlad baroh ki dei na East Khasi HIls District, kiba khlad haduh mynta kala kiew sha ka 174 ngut haduh mynta.

Ka kyrteng jong kiba khlad mynta ka sngi ki long u bah David Dkhar 66 snem na Madanriting khlad ha Nazerth hospital, ka Laxmi Devi 65 snem na Ladumsaw Ri Bhoi District khlad ha Civil Hospital bad u bah Stik Kharlynnai 65 snem na Mawmaram ba khlad ha NEIGRIHMS Hospital.

 

What Next?

Recent Articles

Leave a Reply

Submit Comment

*