Mynta ka sngi la test COVID-19 positive 35, kiba la ioh jingkoit ki long 76 ngut:Dr Aman

Shillong, Naiwieng 15: U Director ka tnad ka koit ka khiah mynta ka sngi u la pyntip ba baroh kiba la test COVID-19 positive mynta ka sngi ki long 35 ngut, ha East Khasi Hills 26, West Garo Hills 4, South West Garo Hills 2, West Khasi Hills 2, North garo Hills 1, kiba dang shitom ha ka jylla baroh ki long 971 ngut.

Na ka liang jong u Director u la pyntip ruh ba baroh kiba la ioh ia ka jingkoit mynta ka sngi ki long 76 ngut, Ri Bhoi 23, East Khasi Hills 19,East Jaintia hills 12, West Jaintia Hills 10, West Garo Hills 6, East Garo Hills 3, South West Garo Hills 2, West Khasi Hills 1, baroh kiba la koit haduh mynta ki long 9594 ngut.

U Director u la iathuh ba na ki 26 ngut kiba la test COVID-19 positive mynta ka sngi ha East Khasi Hills na kine 12 ngut ki dei kiba don ia ka jingiajan bad kito kiba la don ia ka jingpang COVID-19,  kane ka jia ruh kum juh ha West Garo Hills na ki saw ngut kiba shitom ar ngut kidei kiba don ka jingiajan bad kiba don ia katei ka jingpang COVID-19.

What Next?

Recent Articles

Leave a Reply

Submit Comment

*