Shillong, Iaiong 29: Ka GVK EMRI kala pynlong ia ka jingai jinghikai ia ki nurse kumno ban ia da na ka jingpang sngeh klongsan, ia kane ka jinghikai la aid a ka American Heart Association Basic Life Support (BLS) bad ka Advance Cardiac Life Support (ACLS) ia kane ka jinghikai la pynlong ha Emergency Medicine Learning Center Institute at Shillong.
Baroh ki nurse kiba la ia poi sha kane ka jingai jinghikai ki long 50 ngut ki hospital bapher bapher kum ka Nazareth, NEIGRIHMS bad ka Downtown Hospitals, ka jinghikai ka long halor ka jinglap thymmai kumno ban leh ia ki nongpang kiba ioh ia ka jingpang klongsna bad ban iada ia ki nongpang.
Ka kynhun kaba la wan na America ia kaba la tip kum ka American Heart Association (AHA) kala ai jinghikai katkum ki kyndon kiba la pynmih ha u snem 2015. Kane ka long ka sien kaba nyngkong ba kum kane ka jinghikai la pynlong ha kane ka jylla Meghalaya. Ia ki nongwan ia shimbynta la sam ruh ia ki certificate.
