New Delhi, Nohprah 07: Ia ka skhim Prime Minister’s Development Initiative for North East Region (PM-DevINE) la pynbna haka mang tyngka jong u snem 2022-2023 kaba dei ka skhim kaba thymmai na ka sorkar pdeng ban bei pisa 100% ia ki skhim ha thain shatei Lammihngi jong ka Ri India.
Ia kane la pynbna ha ka 12th Risaw 2022 bad ka jingmang pisa kaba la kot sha ka T.6,600 hajar klur tyngka na ka bynta saw snem kiba ban wan katta naduh u snem mang tyngka 2022-2023 hduh ka 20025-2026 na ka 15th Finance Commission.
Kan ka skhim ka long ban pynioh ia ka jingkiew ha ka rai ka par ia kane ka thian shatei Lammihngi jong ka Ri India bad kane ka long katkum ka jingdon kam ki jylla, kane ka long ban tei ia ki skhim, ban tei ia ki jingtei kiba don kam ki paidbah ka thain ban kyntiew ia ki la seng kam jong ki samla bad ki long kmie bad ban iarap ha ki skhim kiba dang duna.
Ia ki skhim kiba la dep ban mang pisa la buh ia ka thong ba dei ban pyndep ia ki hapoh u snem 2025-2026, kane ka long katkum ka jingpyntip kaba la iathuh da u myntri ba dei peit ia ka thain shatei Lammihngi ka Ri India u G Kishan Reddy ha Rajya Sabha.
