Shillong, Nailur 05: U Director ka tnad ka koit ka khiah u la iathuh ba baroh kiba la test COVID-19 positive ha Main Secret
arait ki long 9 ngut na ki tnad sorkar bapher bapher ia ki kamra ba ki trei la bthah ban khang.
la iathuh ba kiba ioh nyngkong ki long lai ngut bad kiwei ki hynrei ngut kiba la test COVID-19 positive ki dei kiba don ka jingiajan bad kito kiba la ioh ia ka jingshitom nyngkong.
Na ka liang jong ka tnad ka koit ka khiah kala wad ia kito kiba don ka jingiadei ba jan bad baroh ki long 65 ngut bad kine baroh la dep ban test bad na kine 6 ngut la shem ba ki long positive.
Na ka liang jong u Director u la ong ba kane ka jingkhang ar sngi ia ka main Secretarait kala pynsuk ia ki briew jong ka tnad ka koit ka khiah ban wat ia kito kiba don ka jingiadei kaba jan bad kitei ki briew.
Ka tnad ka koit ka khiah kala pynlong ia ka jingsynreit dawai ia ka Main Secretariat mynta ka sngi bad kin dang beteng ruh la shai ka sngi. La iathuh ba ia kito ki kamra kaba ki shong kito kiba la test positive la phah khang.
