Shillong,Nailur 13: Ki samla ka shnong Len Mawtap “A” kaba hap hapoh jong ka Sohiong Community ba
d Rural Development Block mynta ka sngi kila dawa na u Chief secretary jong ka sorkar jylla Meghalaya ban weng kam ia u Block Development Office (BDO) u Bah Budsuk Syngoh bad kum juh ia u Chairman jong ka Block u Bah Elingsar Warjri, ha dien ba la lap lyngba ka RTI hal or ka jingsuba ba kine baroh ar ngut kila pyndon kam bakla ia ka pisa paidbah jong ka scheme Pradhan Mantri Kshetra Kalyan Yojana (PMKKKY).
Katkum ka jingong kine ki samla ba kyntup ia u bah B Thabah, Bah G.Jharjana, Bah B Thabah bad u bah B Mawlong, ka jingleh kine ki ar ngut kala don ka jingsuba ba ka don ka jingbamsap kaba jur ia katei ka scheme da kaba la iathuh ruh ba kila ai por shibnai ia ka sorkar jylla ban pynshitom ia kitei ki briew bad ban thung ruh da ka kynhun tohkit.
Kitei ki samla kila dawa ruh ba ki tei ki arngut kiba la shah suba ki dei ban pynphai noh ruh ia ka pisa ba kila sei tuh baroh sha ki bor ba dei peit da kaba kila byrthen ruh ba lada ka sorkar kam shim ia ka sien jam pyrshah ia kitei ki briew hapoh 30 sngi kin mudui ia kane ka kam bam sap sha kashari.
kila kynnoh ruh ba kine ki lai ngut kiba dei ki nongialam shnong Bah Hos Kharmuti Chairman, Bah SK Nongbri Sordar Shnong bad bah M Diengdoh Secretary shnong ba mynta kila pynrung kyrteng ia lade ha ka Construction Committee ha ka ba kitei ki samla kila kynnoh ba kane ka jingleh ka long ban ia don bynta lang ha ka jingbamsap.
Ha ka juh ka por kila kyntu tyngeh ia ki paidbah nongshong shnong ban nym ngop ne shah ialam bakla ka jong ki ha kine ki nongialam shnong ne da ka jingpynbiej jong u BDO bad Chairman jong ka Block.
Katkum ka jingujor ba kine ki samla ba kila phah sha ka sorkar lyngba u Chief Secretary kila iathuh ba kila lap lyngba ka RTI ba ia ka skhim PMKKKY ban shna ia ka madan ialehkai ryngkat bad ka Gallary 50 metter ha ka jinglut kaba T.51.86 lak la dep ban sei haduh T.22.5 lak tang hapoh 32 sngi bad katkum ka jinglap ka RTI dei u Chairman ka Block u ba la ai ia ka NOC bad dei u juh u briew bala sei ia ka pisa, kane ka long kata kum ka kyrwoh ka ba la phah da u Bah Bankyrsoi Thabah Len Mawtap “A”.
