New Delhi Iaiong 19: Da ka jingthmu ban pynkhlain shuh shuh ia ka synshar paidbah ha ka Ri, ka sorkar pdeng mynta ka sngi kala shim ia ka rai ban pynduh noh ia ka jingpyndon kam light saw ha ki kali jong ki heh sorkar bad kane kan trei kam na duh ka shitarik jong u bnai Jymmang ban wan.
Ia kane ka rai sha shim ha ka jingialang jong ka Union cabinet mynta ka sngi ha kaba la pyniaid hi da u myntri rangbah duh jong ka Ri India u Narendra Modi, kane ka rai kan treikam baroh kawei jong ka Ri India la shim ia kane ka rai ka long ban pynduh noh ia ka jingsngew bakhraw ia kaba la tip ha ka ktien nongwei ‘VIP Culture ‘ ka bym don jaka ha ka synshar paidbah.
Ia ki kali ban pyndon kam light saw yn shah tang ha ki kali ba leit ban ai jingiarap kyrkieh, ha ki Ambulance bad ha ki kali pynlip ding. Ha dien ba la shim ia kane ka rai la bethah ia ka ministry ba dei peit ia ki kam shna surok ba kan shna ia ki rule ha kaba ia dei bad kane, kane ka long katkum ka kyrwoh jong ka sorkar pdeng PIB.
