Shillong, Lber 20: U Myntri Rangbah ka jylla Meghalaya u Conrad K Sangma ha ka jingleit ialap ilkeshon mynta ka sngi sha Resubelpara u la ong ba “Nga don ka jingshaniah ha ki paidbah ka Garo Hills ba kin jied biang ia ka NPP ha kane ka MP ilekshon kaba mynta 2019.
Ha ka jingkren jong u president ka NPP u Conrad ha kane ka jingialang u la ong ba u ba ka sorkar barim jong u Dr Mukul Sangma kala wanrah ia kiba bun ki skhim kiba khlem trei kam bad kane kala buh ia ka sorkar ha ka jingeh ha ka liang ka pisa ia ka jylla. La ong ba u Dr Mukul u la wanrah ia ka kam thung dieng Akar, thung siej khlem da jurip shuwa ban pyntrei kam.
Wat la ym shym la kyntoh ei ei kaba long pyrshah haduh katta katta ia u myntri rangbah ban rim ka jylla u ba dei u kyrtong jong ka seng Congress, hynrei u la shu ong ba shen ki paidbah kin tip ia ka jingleh ka sorkar ba la leitnoh ha kaba ia dei bad ka pisa jong u paidbah.
Ha kane ka jingleit ban ialap ukekshon na bynta ka Agatha K Sangma kaba dei ruh ka myntri ba rim jong ka sorkar pdeng kaba ia khun ia kane ka MP ilekshon mynta ka kynti na ka party NPP kaba la juh mih khmat da u kpa jong ki u Purno A Sangma bam kwai ha dwar u blei.
Haba pan ia ka jingkyrshan na ka bynta ka Agatha K Sangma, u Conrad u la ong ba u don ka jingshahniah ha ki paidbah jong ka Garo Hills ba kin dang jied ia ka party NPP ha kane ka MP ileshon kaba mynta. U la ong ba ki paidbah jong ka Garo Hills ki sngewthuh ia ka bynta jong u MP, u la kyntu ba kin ai ka jingkyrshan ia ka Agatha ka kyrtong jong ka NPP.
U la iahtuh ha kane ka jingialang paidbah haba u ia kynduh ia ki nongialam ha Delhi ban ia kren na ka bynta ki kam pynroi haba ki tip ba u dei u khun jong u PA Sangma ki nongialam ki burom ia u namar u kpa jong ki. Ha ka juh ka por u la ong ba ka sorkar MDA ka trei na ka bynta karoi ka par jong ka jylla baroh kawei.
Kiwei ki nongialam jong ka party NPPkiba la don lang ha kane ka sngi ki long u Deputy Speaker U Timothy D. Shira, Government Chief whip U Marcuise Marak bad shibun kiwei ki MLA bad ki MDC jong ka NPP.
