Shillong, Naitung 05: katba ka jingialang jong ka seng Congress ka dang iaid ha Congress Bhavan ha kaba u General Secretary jong ka AICC u Dr CP Joshi u la ia don lang, kiba bun na ki nongwan sha kane ka jingialang ki peit kliaw sha ei u Chief Executive Member jong ka Khasi Hills Autonomous District Council u bah PN Syiem, u poi ne em sha kane ka jingialang.
Haba u SP News u la ioh ban ia kren bad u bah PN Syiem , na ka liang jong u ne u MLA jong ka seng Congress u ba bat ruh ia ka kam CEM ha KHADC u la ong ba na ka daw ba ki don ki kam kiba u hap ban pyndep, kumta um shym la leit ban ia kynduh ia u Dr CP Joshi u ba la wan ban ia kynduh ia ki dkhot jong ka seng Congress jong kane ka jylla.
Ha kane ka sngi na ka liang jong ka executive committee , jong ka KHADC kala pynlong ia ka jingialang ha Khasi National Dorbar Hall bad ki trai khyndew bad nongkhaii ban ia pyrkhat kumno ban leh ban pynlait ia kane ka kam khang tih dewiong bad kiwei ki marpoh khyndew kaba la hukum da ka NGT.
