Shillong, Lber 28: U Sirdar jong ka Hima Mawlong u bah Stephan Laloo u la ong ba la ia kren bad ki pulit ba dei ban buh ia ki pulit ban pahara man ka sngi ha Ichamati namar kane ka dei ka pdeng ba baroh ki briew ki poi sha kane ka jaka.
Namar lyngba kane ka jaka lah ban leit sha Majai, Shella bad haba ki wan rih kin poi sha Ichamati kane ka jaka ka dei ka pdeng baroh ki briew ki wan ban siew ban tda bad ban iaid ban leit sha kiwei ki jaka.
La iathuh ba ka jingshong suk haka sdang wan biang ha katei ka jaka kaba hap hapoh ka jingpeit jong ka Mawlong Sirdarship, la ong ba kum u khlieh nongsynshar u kwah ban don ka jingsuk ba ki briew kin ioh ban ia bylla ia sngi.
La iathuh ba haduh mynta hapoh ka shnong Ichamati ki dang don ki pulit ban pahara hapoh ka shnong ka thaw ban pynthikna ba ka jingsuk kan wan biang hapoh kane ka shnong kaba dei ka jaka ia khaii pateng.
