Shillong kyllalyngkot 09: U Shongnor jong ka iing dorbar thawain ka jylla u AT Mondal u la ong ba u la ioh da ka jingthoh na u SP City jong ka nongbah Shillong, halor kane ka jingkem ia u Bah Julius Dorphang bad u Director General jong ki pulit u la pyntip ia u lyngba ka phone ha ka por ba um don ha Shillong.
Kaei kaba ka Assembly ka hap ban leh ka long ba u hap ban but ia ki rule jong ka iing dorbar bad katkum ka rule 177, ka long ba u hap ban pyntip sha ki dkhot jong ka iing dorbar baroh haba ka iing kam don jingiashong dorbar, la da ka iing dorbar ka shong dorbar u hap ban pule hapoh ka iing dorbar.
Halor kane ka jingkem ia u MLA jong ka Mawhati na ka liang jong u Shongkor u la ong ba Ym don ei ei ban ong halor kane kaei kaba u hap ban leh ka long tang katkum ki rule kiba ia dei bad ka iing dorbar thawain ka jylla kaba la don ia kaba u hap ban but.
