Shillong, Nohprah 22: Mynta ka sngi u myntri ba dei peit ia ka tnad shangsuwari jong ka jylla Meghalaya u bah Paul Lyngdoh u la plie ka tamsa kaba 19th ia kaba la tip kim ka “Shillong Wine Festival” 2023 kaba la long ha State Central Library Shillong.
Ia kane ka tamsa la pynlong da ka kynhun “Forever Young” ia kaba la kyrshan da ka Meghalaya Farmers’ Commission bad ka seng Meghalaya Fruit Winemakers’ Association lem bad ka tnad Shangsuwari jong ka jylla Meghalaya.
Ha kane ka Tamasa la wan ban pyni ia ki jait Wine bapher bapher kiba la shna na ki jaitsoh kiba bun jait, na ka liang jong u myntri u la pynpaw ia ka jingsngewkmen ban iohi ba kane ka kam shna Wine ha ka jylla kala kiew mynta bad myntri u don ka jingngeit ba ka jylla Meghalaya ha kawei ka sngi kan sa long ka jylla ba paw ha ki kam pynmih Wine.
Kane kan iarap ia ki nongrep jong ka jylla Meghalaya bad ha ka juh ka por da kaba buh ia ka SEZ na ka bynta kane ka kam shna Wine khlem pep ka sorkar kan sa lah ban iarap bad kane ka jingiatreilang kan iarap ban kyntiew ia ka ioh ka kot jong ka jylla kham sha jrong bad kyrmen kan sa paw ruh ha ka pyrthei ha kane ka kam shna Wine.
