Shillong Naitung 14: U Chairman jong ka JACSO jong ki kynhun seng bhalang na South West KHasi Hills u Bah Wallambok Syiemiong, u la ong ba kum ka kynhun kila thoh sha ka UCIL ba ka dei ban weng noh ia ka tender kaba la khot da katei ka company jong ka sorkar pdeng.
Mynta ka sngi, kum ka kynhun kala phah ruh ia ka jingthoh sha u myntri rangbah duh jong ka jylla u Dr Mukul Sangma ban pan jongpynshai bad ha ka juh ka por ruh kum ka jingai jingmut halor kane ka kam Uranium, ka seng kala phah ruh ia ka jingthoh sha u Chief Engineer jong ka PWD ba dei peit ia ka National High Way.
Na ka liang jong ka JACSO kam kwah ba ka sorkar kan pynshai da kaba thoh shithi sha u ne ka riew shimet hynrei ka dei ban pynshai da kaba pynmih ia ka jingpynbna paidbah lyngba ki lad pathai khubor halor kane ka two lane road.
U Bah Robert J Kharjahrin general secretary u la ong ba kum ka JACSO, kim kwah ban iohi ba kan don kata ka jingpynbor ia ki bor jong ka KHADC ha kaba ia dei bad ka jingai ne bym ai ia ka NOC, ka District Council ka dei ka constitutional body ba yn ym don ba lah ban pynbor.
Na ka liang jong ka JACSO, ka khot ka wer ia ki paidbah jong ka South West KHasi Hills District ba kin ia mih paidbah ha ka jingialang kaban long ha ka 16 tarik mynta u bnai ha Mawkyrwat.
