Shillong, Nohprah 16: Mynta ka sngi ka kynhun shipai BSF kiba dei na ka 4th Battalion kila pynlong ia ka jingai jingsumar ei ia ki paidbah ha khappud bad ka Bangladesh na ka bynta ki saw tylli ki shnong, Dawki, Bakur, Sankhat bad Jaliakhola ha kaba palat 400 ngut ki briew kila ioh jingmyntoi.
Ia kane ka jingai jingsumar ei la pynlong ha Iew Dawki ha kaba ki paidbah nongshong shnong kiba don ha khappud bad ka Bangladesh kiba dei na East bad West Jaintia Hills ki wan iew wan hat, ia kane ka jingai jingsumar ei la plied a u K S Rana DIG ba dei peit ia ka bynta jong ka Jaintia Hills, ha ka jingiadon lang u Pankaj Soodan, Commandant 4 Bn BSF.
Ha kane ka jingai jingsumar ei la peit bniah ia kiba wan shim dawai da ki doktor jong ki BSF ha kaba palat 400 ngut ki briew kila ioh ia ka jingmyntoi na kane ka jingai dawai ei bala pynlong da ki shipai BSF.
Nalor kane ka jingai jingsumar ei, ki shipai BSF kila sam ruh ia ki kor Komputer, ki jingdon kam ha ki skul, ki pangkha, ki klong buh um dih, ki jaka bret niut bad kiwei kiwei bad kine baroh kila kot sha ka T.6 lak tyngka, kine la ai sha ki samla pule bad ki longing kiba duna ka jingioh.
Ha ka jingkren K.S Rana DIG ba dei peit ia ka Jowai la ong ba kane ka jingleh jong ki BSF ka long ba ki don kata ka jingkit khlieh ban kyntiew iaki paidbah kiba don ha khppud bad ka Bangladesh, ia kane ka jingialeh jong ki BSF la ai ia ka jingiaroh da ki nongkit kam shnong.
