New Delhi, Nohprah 18: Ka Lok Sabha kala passed ia ka bill “The Rights of Persons with Disabilities Bill – 2016”.bad kane ka bill kaba thymmai kan bujlinoh ia ka ain kaba don mynta ka PwD Act, 1995, ia kaba la wanrah 21 snem myn shuwa ia kane ka bill la pass ha Rajya Sabha ha ka 14 tarik mynta u bnai bad hapoh jong ka Lok Sabha pat la pass ha ka 16 tarik mynta u bnai hi.
Da ka jingpass ia kane ka bill ba thymmai, la pynkiew ia ki jaid jingduna ha ki dkhotmet n aka hynniew sha ka arphew wei tylli ki jaid jingduna, bad ia kine ki 21 tylli ki jaid jingduna kiba un ithuh ia u ne ka briew ba ki dei kiba don jingduna ha ki dkhot met la jer kyrteng hapoh jong ka Bill, hapoh kane ka bill la ai bor ruh ia ka sorkar pdeng ba kan dang loah shuh ban pynrungthymmai lada dang lap shuh.
Ha kane ka bill kaba thymmai la bthah ka dei ban don ka jingbhah jaka kyrpang ia ki ha ki jaka pule puthi kiba kham sha lor, ha ki kam ki jam jong ka sorkar, ka jingai jaka na ka bynta jong ki bad ia ki skhim ban weng ia ka jingduk, na ka bynta kito kiba naduh ka 6 snem haduh ka 18 snem ka jingpule na ka bynta jong ki dei ban ai ei. Ki skul kiba dei jong ka sorkar bad ki jong ki riew shimet ruh kiba shim ia ka jingiarap na ka sorkar ki dei ban buh kyrpang ki jaka ai jinghikai na ka bynta jong ki.
Ban pynkhlain shuh shuh ia kane ka jingannund jong u myntri rangbah duh jong ka Rib a ki dei ban ioh ia ka lad ba kin rung sha ki iing sorbar jong ki jong ki riew shimet ka dei ban don da ka por ban leh ia kane ban pyntrei kam ha kaba ia dei bad ka jingbhah kam na ka bynta jong ki bad ia kane ka jingphah kam kaba kyrpang la pynkiew na ka 3pc sha ka 4pc.
Kat kum kane ka Bill, la ong ba ban shim ban ri sumar ia ki dei ban da ioh jingbit na ka iing bihsar jong ki District Court da ka jingiamynjur lang jong ki nongri bad ki ba don ia ka jingdukan haki dkhot met, ka dei ban don ka Board kaba kyrpang hapoh jong ka sorkar pdeng bad kumjuh hapoh jong ka sorkar jylla ba kin long ki nongpeit sumar bad ban wanrah ia ki polisi na ka bynta ka jong ki.
Ka sorkar kan hap ban pynkhlain shuh shuh ia ka jingdon jong ki ophisar, kumba ka longmynta hapoh jong ka sorkar pdeng don tang u Chief Commissioner of Persons with Disabilities, hynrei mynta kin don noh sa ar ngut ki Commissioners bad ia ki dkhot jong kane ka Advisory Committee la kyntiew sha ka 11 ngut.
Ha ka juh ka rukom ha ki ophis jong ka State Commissioners of Disabilities dei ban pynkhlain shuh shuh ia ka jingtrei kam da kaba thaw ia ka Advisory Committee ha kaba ki dkhot kim dei ban dukna ia ka san ngut. U Chief Commissioner for Persons with Disabilities bad ki State Commissioners kin long kum ki nong bishar ban peit ia kane ka kam ban pyntrei kam pura ia ka ia ka ain. Ia ki kyndon jong ki committee ha ki jylla yn shna da ka sorkar jylla.
Kane ka Bill ba thymmai ka la buh ruh ia ka kyndon ba ka dei ban don ia la ka jong ka mang pisa ban ai jingkyrshan ia kine ki briew kiba don ka jingduna ha ki dkhot met bad ia kane ka fund yn tip da ka kyrtengkum ka National Fund. Kane ka Bill kala don ruh ia ki kyndon ban pynshitom ia kito kiba leh tohmet ia ki briew ba don ka jingduna ha ki dkhot met bad ki jylla ki dei ban don ia ka iing bishar ba kyrpang ban tian bishar ia kine ki jaid mukotduma ha ki District.
Ia kane ka Bill kaba thymmai la pass ia ka katkum ki kyndon jong ka United National Convention on the Rights of Persons with Disabilities (UNCRPD), ha kaba ka Ri India ruh kala long kawei na ki nongsoi ia kane ka jingpynbna jong ka UN bad kum ka nongsoi ka hap ban pyntrei kam bad ban peit ba kane ka ain kam trei kam ha ka rukom kaba dei ban ai jingiada ia kiba don jingduna ha ki dkhotmet.
