Shillong, Risaw 30: Ki shipai BSF kiba don ha khappud bad ka Bangladesh kila ioh ba ki don ki khar Bangladesh kiba la thmu ban rung tuh sha poh jong ka Ri India ryngkat ka pla ba ki rah, haba ki shipai BSF kila beh ia ki ban kem kila bret noh ia ka pla bad kila ioh biang ban rung sha Bangladesh.
Haba plié ia kane ka pla ki shipai BSF kila lap ba ka don ka Kohke ka kynja mrad niangbishiah bad kane ka mrad ka dei kaba la jan duh jaid bad kane ka iaid iew bha ha ki bynta ba shathi jong ka dewbah Asia namar kine ki mrad ki don ia ki kynja dawai ba khlain bor.
La ong ba kane ka mrad ka shong dor da ki lak lada dei kiba la kyriaw bha bad ka dork a shong ha ka jingrit jingheh jong ka bad ki briew ki juh ia khaii tuh ia kane ka mrad namar ka long ka mrad kaba rit bad suk ban rah ia ka, hynrei ka jingiakhaii ia kane ka mrad ka long be-ain.
Katkum ka kyndon ain kaba don hapoh jong ka Ministry ba dei peit ia ka tnad khlaw kane ka kohke ka hap hapoh jong ka kyndon kaba san ba kane ka mrad kaba la jan duh jait bad la mana ia ki briew bakin nym ia khaii ia kine ki mrad bad ia kiba ioh kem yn dain kumna T.10000 tyngka bad ban set phatok lai snem.
