Shillong, Nohprah 22: Ka Shillong Press Club kala pynpaw ia ka jingsngewsih kaba khraw halor ka jingkhlad noh u bah Ronaldstone Syiem u nongthoh khubor na Nognstoin ba thoh na ka bynta ka Shillong Time bad u la thoh ruh na ka bynta ka kot khubor Kynjatshai bad kum juh ia ka All India Radio ha kine ki 15 snem lynter.
Na ka liang jong ki dkhot ka Shillong Press Club kim lah ban klet ia ka jinglong kaba la kloi jong u ban synran ia ki para nognthoh khubor haba ki leit don kam sha West Khasi Hills District, kane ka jingkhlad noh ka jong u kala wanrah ia ka jingduh kaba khraw ha kane ka kam thoh khubor.
Na ka liang jong ka Shillong Press Club ka phah iakane ka khubor sngewlem sha kiba ha iing ha sem jong u bah Ronaldstone Syiem bam kwai ha dwar u blei, khatam sha ka kurim ka kong Baailang Lyngdoh Nonglait bad u khun bad duwai ba un trai kynrad un ai ka jingtngen ha kum kane ka jingjia kaba sngewsih.
